Dat is fein, wat Se hier rinkieken doot!

Bernd Capeletti
Bernd Capeletti Ortsvorsitzender

Leeve Froonslüüd, leeve Mannslüüd,

as Vörsitter vun de CDU in de Veer- un Marschlannen frei ick mi, wat ick Se op düsse Homepage en beten wat vun uns politische Arbeid för dat Landgebeet anbeden kann.

De CDU-Ortsverband un ick sünd öllig stolt dorop, wat wei uns wunnerscheune Heimoot in dat Parlament un in Utschüsse vertreden dörft. Uns wichtigsde Opgoov seht wei dorin, wat wei de Veer- un Marschlannen ook wiederhen as en Steeg hebbt, woneem de Lüüd geern leevt un de en leev hebben mutt. Dat heet op de een Sied, wat dat ook in Tokumst „op’n Lannen“ blifft, un op de anner Sied, wat wei uns Weertschop so goot ünner de Arms griept as dat geiht. Blots op düsse Oort kann en Ökologie un Ökonomie ünner een Hoot kriegen.

Un denn wüllt wei uns so as bitto för de lütten un grooten Sorgen vun de Lüüd hier insetten, no dat Motto „För Se sünd wei dor.“

Mit Frogen un Vörslääg künnt Se to jede Tied komen, dat is doch kloor. Snackt Se uns eenfach an.

Nu wünsch ick veel Vergneugen bi de elektronisch Rundtour.

Bernd Capeletti